Lærlingsamtalen er ein samtale mellom fagleg leiar/instruktør og lærling om arbeids- og opplæringssituasjonen. Samtalen skal rettleie og motivere lærlingen til ei så brei utvikling som mogleg i forhold til dei samla måla for opplæringa.

 Samtalen skal:

• gi lærlingen høve til å samtale med fagleg leiar/instruktør om eiga fagleg utvikling, motivasjon og innsats knytt tilarbeidet med måla i læreplanen
• gi fagleg leiar/instruktør tilbakemelding om opplæringa og læringsmiljøet
• gi lærling og fagleg leiar/instruktør høve til å drøfte og planleggje tiltak i det  vidare arbeidet til lærlingen
• medverke til eit godt samarbeid mellom lærling og fagleg leiar/instruktør
• setje bedrifta betre i stand til å tilretteleggje opplæringa for kvar einskild lærling
• skape eit trygt, ope og tillitsfullt forhold mellom lærling og fagleg leiar/ instruktør

I opplæringsbedrifta skal samtalane gjennomførast mellom fagleg leiar/ instruktør og lærling, og ev. tilsynsvald.

Desse momenta bør inngå i lærlingsamtalen:

·       Fagleg utvikling i forhold til måla i læreplanen

·       Frammøte og korleis lærlingen held arbeidstida

·       Orden og kor ryddig lærlingen er

·       Miljøet på arbeidsplassen

·       Innsats og motivasjon i forhold til arbeidet med faget

·       Samarbeid med:

a) fagleg leiar

b) instruktør

c) medarbeidarar

d) brukarar/kundar

·       Initiativ og sjølvstende i arbeidet

·       Fleksibilitet og omstillingsevne

·       Helse, miljø og tryggleik

·       Kommunikasjon

·       Problemområde i læreforholdet

·       Konfliktar og konflikthandtering

·       Andre forhold

·       Gjennomgang av oppsummeringa frå førre samtalen